Ydda hjelper bedrifter med å skape struktur, retning og framdrift – frå idé til gjennomføring.
Me kombinerer kompetanse innan prosjektleiing, strategi, kvalitetssystem, kommunikasjon og digitale løysingar for å løyse utfordringar og skape utvikling.
Med ei praktisk tilnærming og forståing for både menneska og verksemda bak, tilpassar me arbeidet etter behovet i kvart prosjekt. Enten du treng støtte til prosjekt, arbeidsprosessar, kommunikasjon eller digitale løysingar, står me klare til å bidra.
Kva me kan hjelpa med
Strategi, prosjekt og portefølje
Ydda leverer prosjektleiing og porteføljestyring for forbetrings- og leveranseprosjekt, frå idé og planlegging til gjennomføring og oppfølging. Me fasiliterer strategiprosessar som legg grunnlaget for kva som bør prioriterast, og bistår med å utarbeide konkrete handlingsplanar som gjer det enklare å følgje opp framdrifta vidare.
Me tilbyr òg opplæring i prosjektleiing for verksemder som ønskjer å byggje kompetanse internt, og hjelper til med å forbetre prosjektprosessane og metodikken de alt bruker, slik at organisasjonen står betre rusta til å gjennomføre neste prosjekt på eiga hand.
Kartlegging og kvalitetssystem
Gode avgjersler krev innsikt og oversikt. Ydda hjelper verksemder med å kartleggje dagens arbeidsprosessar og identifisere flaskehalsar, og byggjer, om nødvendig, kvalitetssystem frå botnen av. Gjennom dette arbeidet tydeleggjer me roller og ansvar, slik at alle veit kven som har ansvar for kva.
Me legg stor vekt på kompetanseoverføring undervegs, slik at organisasjonen blir meir robust og kan halde systemet ved like på eiga hand. Me bidreg òg med evaluering av gjennomførte prosjekt, slik at verksemda lærer av det som er gjort.
Kommunikasjon og marknadsføring
Ei sterk merkevare handlar om meir enn eit visuelt uttrykk. Det handlar om kven de er, kva de står for, og korleis de blir oppfatta. Ydda hjelper verksemder med merkevarebygging og visuell identitet, og med å utvikle ein tydeleg kommunikasjonsstrategi som ligg til grunn for alt de seier utad.
Med strategien på plass bistår me med å omsetje han til konkret innhald: artiklar og pressemeldingar, tilstadevær i sosiale medium, og employer branding som gjer dykk attraktive, både for kundar og for framtidige kollegaer.
Innovasjon og teknologi
Digital transformasjon handlar om meir enn å ta i bruk ny teknologi, det handlar om å forstå korleis teknologi kan skape verdi for verksemda. Ydda hjelper bedrifter med å kartleggje digital modenheit, og med anskaffing og innføring av digitale verktøy som faktisk passar behovet.
Me tilrettelegg for digitale endringsprosjekt, KI inkludert, og leier dei digitale endringsprosessane gjennom god planlegging, involvering og struktur, slik at verksemda faktisk hentar ut gevinstane av dei digitale investeringane sine.