Ydda er eit konsulentselskap frå Bømlo som tilbyr kortreiste konsulenttenester til næringslivet i Sunnhordland.

Våre dyktige og løysingsorienterte konsulentar, med relevant kompetanse og god kjennskap til det regionale næringslivet, står klare til å hjelpe kundar med å gjere dei rette prosjekta, og gjere dei best mogleg.

Historia vår

Nina og Mari har begge jobba i same IT-konsulentfirma i Oslo. Faktisk har dei hatt same leiar i selskapet, sjølv om dei aldri vore tilsett der samstundes.

Nina reiste vidare frå konsulentlivet i Oslo til Sandnes og Aibel, men flytta heim til Bømlo i 2017 der ho starta som leiar i klynga på Rubbestadneset. I 2021 gjekk ho inn som dagleg leiar i Bømlo Næringsråd, samstundes som ho i periodar var utleigd som prosjektleiar til ulike prosjekt. Mari flytta heim frå Oslo til Bømlo i 2022 og starta i eit reklamebyrå på Stord, men i desember 2022 vart ho headhunta til å arbeide i Bømlo Næringsråd som prosjektleiar og kommunikasjonsansvarleg.

Gjennom arbeidet i næringsrådet såg Nina og Mari at kompetansen dei hadde var det mange bedrifter i regionen som hadde bruk for, men få bedrifter hadde økonomi eller aktivitetsnivå til å forsvare fulltidsstillingar. Gjennom arbeidet med Heim Igjen-arrangementet for utflytta bømlingar, vart dei i tillegg kjende med mange unge studentar med gode kompetanseprofilar for næringslivet, men som dei såg ville få utfordringar med å få innpass i regionalt arbeidsliv som nyutdanna.

Dette planta eit frø i dei. Om at dei ein dag i framtida ville starte eit konsulent- og rådgjevingsfirma i Sunnhordland. Ideen spira og vaks, og no har den skote knopp og blitt til konsulent- og rådgjevingsfirma Ydda.

I februar tok me neste steg i utviklinga av selskapet då me tilsette Anna Innvær som praktikant. Me ønskjer å byggje ei brei fagkompetanse, og samstundes ønskte vi å satse på unge med relevant kompetanse.

Anna Innvær har bakgrunn som paramedisinar og er no under utdanning til siviløkonom. Denne kombinasjonen gir eit spennande utgangspunkt, med både god erfaring med mennesker og ei aukande forståing for økonomi og næringsliv.

For oss var det viktig å gi ein student moglegheit til å få relevant erfaring, samstundes som vi får inn nye perspektiv og arbeidsmåtar. Dette er heilt i tråd med tanken bak Ydda, å kople kompetanse og behov i regionen, og bidra til utvikling både for verksemder og menneske